بھارت کی جنوبی ریاست کرناٹک میں گلبرگہ شہر کے خواجہ بندہ نواز جنرل اینڈ ٹیچنگ اسپتال میں ڈیڑھ کروڑ روپے کی مدد سے تیار کردہ کووڈ 19 ٹسٹ لیب، مولیکیولر لیباریٹری اور کووڈ19 وارڈس کا قیام کیا گیا ہے۔
خواجہ بندہ نواز یونیورسٹی کے رجسٹرار ڈاکٹر اے ایچ راجہ نے کووڈ19 ٹسٹ لیب اور کووڈ واڈس کا افتتاح کیا۔
اس موقع پر انہوں نے کہا کہ خواجہ بندہ نواز جنرل اینڈ ٹیچنگ اسپتال گلبرگہ میں قائم کی گئی ہے اور کووڈ19 ٹسٹ لیب عالمی معیار اور انتہائی جدید طرز کی ہے۔
اس لیب میں کووڈ 19 کے ساتھ ہر طرح کے وائرس سے متاثرین کا ٹسٹ کیا جائے گا اور 8 دنوں کے دوران ٹسٹ رپورٹ دی جائے گی۔
انہوں نےکووڈ 19 ٹسٹ لیب کے عملہ کو تاکید کی کہ وہ ٹسٹ کے دوران احتیاطی تدابیر پر سختی سے عمل کریں۔ اس دوران انہوں نے گلبرگہ کی عوام سے اس اسپتال کا بھر پور فائدہ اٹھانے کی گذارش کی ہے۔
