گلبرگہ: مزدوروں کو جاب کارڈ تقسیم کرکے روزگار فراہم کرنے کا منصوبہ

ریاست کرناٹک گلبرگہ شہر میں کورونا وائرس کے سبب دیگر ریاستوں سے واپس پہنچے نقل مکانی کے مزدوروں کو جاب کارڈ تقسیم کر کے مہاتما گاندھی قومی دیہی روزگار دینے کا منصوبہ کے تحت کام دینے کے لئے یہاں کے ضلع پنچایت ہال میں کوویڈ19 کے پیش نظر مرکز اور ریاستیں روزگار منصوبہ سے متعلق کئے جانے والے کامو ں پر افسران کے ساتھ مشاورتی اجلاس منعقد کیاگیا۔

اس موقع پر رکن پارلیمان گلبرگہ ڈاکٹر اومیش جادھو نے تمام تعلقہ پنچایت ایگزیکٹو آفیسرس سے کہا کہ روزگار منصوبہ کو فنڈکی قلت ہونے پر مجھے بتائیں جتنا بھی فنڈ چاہیے حکومت سے حاصل کر نے تیار ہوں۔

گلبرگہ :نقل مکانی کے مزدوروں کو جاب کارڈ تقسیم کر کے روزگار فراہم کر نے منصوبہ

لیکن کسی بھی نقل مکانی کے مزدورکو مشکل نہ ہواس طرح مزدوری کا کام دینے کی بات انہوں نے بتائی۔ ہر تعلقہ میں تا حال جاری کئے گئے جاب کارڈ اور جاری کئے گئے افراد کو دیئے گئے کاموں کے ایام سے معلومات حاصل کر کے رکن پارلیمان جادھو نے20ہزارسے زائد جاب کارڈ جاری کر تے ہوئے روزگار فراہم کر نے اور اس کے بعد فوری مزدوروں کی رقم فراہم کر نے کی بات بتائی ہے۔

اب یہ دیکھنا ہے کہ اس منصوبہ کے تحت گلبرگہ ضلع بھر دیگر ریاستوں سے واپس آئے نقل مکانی کے مزدوروں کو اس جاب کارڈ کے تحت کسی طرح کی مداد ملے گی۔ اس منصوبہ شروع کرنے کے بعد ہی پتہ چل سکتا ہے۔