دولہا کورونا مثبت، شادی ملتوی

دولہے کو کورنٹائین کیا گیا،اور شادی میں شرکت کرنےوالے تمام لوگ اپنا اپنا کورونا ٹیسٹ کرارہے ہیں۔

آندھراپردیش کے مشرقی گوداوری میں دولہے کے کورونا مثبت پائے جائے جانے کے بعد شادی ملتوی ہوگئی۔

تفصیلات کے مطابق ضلع مشرقی گوداری کے کتہ پیٹ میں جمعے کو شادی ہونی تھی، مگر دولہے کے کورونا مثبت پائے جانے کے بعد شادی کو ملتوی کردیا گیا۔ بتایا گیا کہ بخار میں مبتلا ہونے کے بعد دولہے نے کورونا ٹیسٹ کروایا،تاہم اس کی رپورٹ آنے سے قبل ہی مہورت پر شادی کرنے کے لیے دولہا تیار ہوگیا،مگرآج اس کے فون پر کورونا مثبت ہونے کا مسیج موصول ہوا۔ جس کے بعد شادی کے گھر میں ہلچل مچ گئی۔ دولہے کو کورنٹائین کیا گیا ،اور شادی میں شرکت کرنےوالے تمام لوگ اپنا اپنا کورونا ٹیسٹ کرارہے ہیں۔