امروہہ: جشن میلاد النبی ﷺ کا شاندار اہتمام

بارہ ربیع الاول کے موقع پر لوگوں نے گھروں میں ہی میلاد اور نعتیہ مشاعرے کا اہتمام کیا اور حضرت محمد ﷺ کی سیرت و کردار کو بیان کیا۔

اترپردیش کے ضلع امروہہ میں بارہ ربیع الاول کے موقع پر جشن میلاد النبی ﷺ کا ہر سال جلوس نہایت ہی اہتمام کے ساتھ نکالا جاتا ہے، اس بار نہیں نکالا گیا۔

بارہ ربیع الاول کے موقع پر لوگوں نے گھروں میں ہی میلاد اور نعتیہ مشاعرے کا اہتمام کیا اور حضرت محمد ﷺ کی سیرت و کردار کو بیان کیا۔

عالمی وبا کورونا وائرس (کووڈ۔19) کی وجہ سے حکومت کی گائیڈ لائن کے بعد ضلعی انتظامیہ نے ضلع بھر میں کسی قسم کے جلوس نکلنے کی اجازت نہیں دی ہے۔

میلاد النبی ﷺ کے موقع پر گھر کی خواتین اور لڑکیوں نے نعتیہ مشاعرہ اور میلاد منایا۔

اس موقع پر مولانا آس محمد نے بتایا کہ 'میلاد النبی ﷺ کے موقع پر جلوس اس بار نہیں نکالا گیا بلکہ کورونا وائرس گائیڈ لائن کی پیروی کرتے ہوئے حضور ﷺ کی شان میں گھروں میں پروگرام کیے گئے'۔

انھوں نے بتایا ہے کہ 'مساجد اور گلیوں میں سجاوٹ کی گئی ہے۔ میلاد النبی ﷺ کے موقع پر ضلع بھر میں پولیس کے سخت انتظامات دیکھنے کو ملے ہیں'۔