انہوں نے کہاکہ آج جب دنیا 5 جی کی دروازے پر کھڑی ہے تب ملک میں 30 کروڑ سے زیادہ لوگ 2جی میں پھنسے ہوئے ہیں اور 2 جی فیچر فون استعمال کررہے ہیں۔ اس مسئلہ پر فوری طورپر ضروری پالیسی اقدامات کئے جانے کی ضرورت ہے۔
حکومت ٹو جی فری ہندستان کے لئے جلد اقدامات کرے: مکیش امبانی - 2G free India
ریلائنس انڈسٹریز کے مالک مکیش امبانی نے جمعہ کو کہا کہ اب ٹو جی موبائل سروس کی وداعی کا وقت آگیا ہے مسٹر امبانی نے 25برس قبل آج ہی کے دن ملک میں پہلی موبائل کال کا آغاز ہونے کے موقع پر سیلولر آپریٹرس ایسوسی ایشن آف انڈیا(سی او اے آئی) کے ’دیش کی ڈیجیٹل اڑان‘ کے عنوان سے منعقدہ ایک ورچول پروگرام سے خطاب کرتے ہوئے کہا کہ اب وقت آگیا ہے کہ ملک کو 2جی سے پاک بنایا جائے۔
حکومت ٹو جی فری ہندستان کے لئے جلد اقدامات کرے: مکیش امبانی
مسٹرامبانی نے کہاکہ لاک ڈاون کے دوران موبائل زندگی کا ضروری حصہ بن کر سامنے آیا ہے اور لوگوں کو طاقتور بنانے کا ذریعہ بنا۔ انہوں نے کہاکہ موبائل نے قوم کو مشکل وقت میں جوڑے رکھا اور معیشت کاپہیہ موبائل کی بدولت گھومتا رہا۔