فوج نے جمعرات کو کہا کہ حکومت نے فورس میں خواتین افسروں کے مستقل کمیشن کی فراہمی کا حکم جاری کیا ہے۔آرمی کے ترجمان کرنل امن آنند نے کہا کہ حکومت کے حکم سے خواتین افسران کو فوج میں بڑے کردار ادا کرنے کے لئے بااختیار بنانے کی راہ ہموار ہوگئی۔
انہوں نے کہا کہ اس آرڈر میں بھارتی فوج کے تمام 10 سلسلوں میں شارٹ سروس کمیشنڈ (ایس ایس سی) خواتین افسروں کو مستقل کمیشن کی فراہمی کی وضاحت کی گئی ہے۔
کرنل آنند نے کہا کہ جن 10 اسٹریمز میں خواتین افسران کا مستقل کمیشن دستیاب کیا جارہا ہے ان میں آرمی ائر ڈیفنس ، سگنلز ، انجینئرز ، آرمی ایوی ایشن ، الیکٹرانکس اور مکینیکل انجینئرز ، آرمی سروس کور اور انٹیلیجنس کور کے علاوہ جج اور ایڈووکیٹ جنرل کے موجودہ سلسلے بھی شامل ہیں۔
انہوں نے کہا کہ ایس ایس سی کی متاثرہ خواتین افسران اپنے آپشن کا استعمال کرتے ہوئے اور مطلوبہ دستاویزات مکمل کرنے کے ساتھ ہی ان کا سلیکشن بورڈ طے کرلیا جائے گا۔
