نقد کے بجائے ڈیجیٹل ادائیگی کو یقینی بنائیں: وزارت خزانہ

حکومت نے کورونا وائرس کے خدشات کے پیش نظر بینکز سے کہا کہ وہ صارفین کو نقد کے بجائے ڈیجیٹل ادائیگی کے طریقوں جیسے یو پی آئی، این ای ایف ٹی، موبائل بینکنگ، ڈیبٹ اور کریڈٹ کارڈز استعمال کرنے کی ترغیب دیں۔

وزارت خزانہ کی جانب سے جاری ہونے والے اس نوٹیفکیشن میں کہا گیا ہے کہ نقد بھی وائرس کے پھیلانے کا ایک ذریعہ بن سکتا ہے لہذا احتیاط برتتے ہوئے ڈیجیٹل ادائیگی کو یقینی بنانے پر زور دیں۔

اس نوٹیفکیشن میں بینکز کو مشورہ دیا گیا ہے کہ وہ موجودہ صورتحال کے بنا پر ڈیجیٹل ادائیگیوں سے متعلق فوائد سوشل میڈیا ای میل اور ایس ایم ایس کے ذریعے لوگون میں عام کریں۔

نوٹیفکیشن میں کہا گیا ہے کہ برانچز اور بزنس نمائندوں کی دکانوں اور اے ٹی ایم میں بینرز اور پوسٹروں کے ذریعے بھی صارفین کو ان معاملات سے آگاہ کیا جاسکتا ہے۔