اساتذہ کی عزت افزائی نہ ہونے سے جی ایس ٹی اے ناراض

گورنمنٹ اسکول ٹیچر ایسوسی ایشن (جی ایس ٹی اے) نے کہا ہے کہ دہلی حکومت کی طرف سے ٹیچرس ڈے پر ٹیچروں کی ایوارڈ لسٹ نہ نکالنا اور آن لائن ویڈیو کالنگ کے ذریعہ ٹیچروں کی عزت افزائی نہ کرنا ٹیچروں کی توہین ہے۔

ٹیچر ایسوسی ایشن کے صدر سی پی سنگھ نے اتوار کے روز جاری بیان میں کہا کہ جب سرکار ٹیچروں کی آن لائن کلاسز میں ڈیوٹی لگا رہی ہے اور ان سے چالان کٹوا رہی ہے تو ٹیچروں کی ویڈیو کانفرنسنگ کے ذریعہ ٹیچرس ڈے پر عزت افزائی کی جانی چاہیے تھی لیکن حکومت نے ایسا نہ کرکے ٹیچروں کی توہین کی ہے۔

ٹیچر ایسوسی ایشن ایس پی گوتم نے کہا کہ ٹیچروں نے اس مرتبہ 98فیصد امتحان کا نتیجہ دیا ہے۔ اتنا ہی نہیں وہ کورونا وبا کے دور میں ڈیوٹی جارہے تھے ۔ کئی ٹیچروں نے تو اپنی جان تک گنوا دی ہے۔ اس کے باوجود ٹیچرس ڈے پر ان کی عزت افزائی نہ کرنا ان کے کاموں کو نظرانداز کرنے جیسا ہے۔