بھارتی وزارات خارجہ نے سفارتی روابط کے تعلق سے پاکستان کے فیصلے پر افسوس کا اظہار کرتے ہوئے کہا ہے کہ اسے اپنے فیصلے پر نظر ثانی کرنا چاہیے تاکہ دونوں ملکوں کے درمیان سفارتی روابط منقطع نہ ہو پائیں۔
بھارت کا کہنا ہے کہ پاکستان عالمی برادری کو دونوں ملکوں کے درمیان رشتوں کو تشویش ناک طور پر پیش کرنے کے لیے سفارتی روابط میں کمی کا اعلان کیا ہے۔
اس سے پہلے پاکستان نے اسلام آباد میں بھارتی سفارتکار کو نکلنے کا حکم دیا تھا اور سفارتی سطح پر تخفیف کا اعلان کیا تھا۔
اس تعلق سے وزارت خارجہ نے اپنے ایک تفصیلی بیان میں کہا ہے کہ کشمیر کے تعلق سے اس کے تمام اقدامات اس کے اندرونی معاملات ہیں۔
حکومت نے کہا کہ 'دفعہ 370 کے تعلق سے جو فیصلہ کیا گیا ہے، وہ پوری طرح سے بھارت کا داخلی معاملہ ہے۔ بھارتی آئین ہمیشہ مقدم تھا ہے اور رہے گا، لہذا بھارت کی حدود میں مداخلت تشویشناک امر ہے جو کہ کبھی کامیاب نہیں ہوگا۔'