بل کے ذریعے مذہب کی بنیاد پر ملک کو تقسیم کرنے کی کوشش: کنوردانش

اپوزیشن کی زبردست مخالفت کے درمیان وزیر داخلہ امیت شاہ نے لوک سبھا میں شہریت ترمیمی بل پیش کئے جانے کےبعد، بی ایس پی امروہہ سے رکن پارلیمان کنور دانش علی نے پارلیمنٹ کے احاطے میں کہا کہ بی جے پی اس بل کے ذریعہ ملک کو مذہبی بنیاد پر تقسیم کرنے کی کوشش کررہی ہے۔

بہوجن سماج پارٹی نے شہریت ترمیمی بل کی زبردست مخالفت کرتے ہوئے کہا ہے کہ اس بل کے ذریعہ مذہب کی بنیاد پر ملک کو تقسیم کرنے کی کوشش کی گئی ہے۔

اپوزیشن کی زبردست مخالفت کے درمیان وزیر داخلہ امیت شاہ نے لوک سبھا میں شہریت ترمیمی بل پیش کئے جانے کےبعد، بی ایس پی امروہہ سے رکن پارلیمان کنور دانش علی نے پارلیمنٹ کے احاطے میں کہا کہ بی جے پی اس بل کے ذریعہ ملک کو مذہبی بنیاد پر تقسیم کرنے کی کوشش کررہی ہے۔

انہوں نے کہا کہ بھارتیہ جنتا دل پارٹی مذہبی بنیاد پر مسلموں اور غیر مسلموں کو تقسیم کرنے کی کوشش کررہی ہے اور یہ ہمارے آئین بنانے والوں کے خوابوں کی خلاف ورزی ہے۔

انہوں نے کہا کہ بابائے قوم مہاتما گاندھی، پنڈت جواہر لعل نہرو اور مولانا ابوالکلام آزاد نے 1947 میں مذہبی بنیاد پر ملک کی تقسیم کی مخالفت کی تھی۔

واضح رہے کہ امیت شاہ نے لوک سبھا میں آج 'شہریت ترمیمی بل 2019' پیش کیا جس میں افغانستان، پاکستان اور بنگلہ دیش سے مذہبی بنیاد پر استحصال کے شکار بھارت میں پناہ لینے والے ہندو،سکھ، عیسائی، پارسی، بودھ اور جین برادری کے لوگوں کو شہریت دینے کا التزام کیا گیا ہے۔