'حکومت نے پارلیمنٹ میں تمام قوانین کو توڑا ہے'

پارلیمنٹ ہاؤس کے سینٹرل ہال سے ترنمول کانگریس پارٹی کے رکن پارلیمان ڈیریک اوبرائن نے اپنا ایک ویڈیو جاری کرتے ہوئے کہا کہ 'موجودہ حکومت نے پارلیمنٹ میں تمام قوانین کو توڑا ہے'۔

ڈیریک اوبرائن نے کہا کہ حکومت نے دھوکہ دیا ہے ہے اور جمہوریت میں ایک تاریخی دن تھا۔

انہوں نے کہا کہ حکومت نے راجیہ سبھا ٹی وی کی کاروائی کو ٹیلی کاسٹ کے فیڈ کو روک دیا ہے تاکہ ملک کی عوام حکومت کی ان تمام حرکتوں کو دیکھ نہ سکے۔

ڈیریک اوبرائن نے اپنی ویڈیو میں حکومت کو مخاطب کرتے ہوئے کہا کہ 'پروپیگنڈا نہ پھیلائیں۔ ہمارے پاس حکومت کی تانا شاہی کا ثبوت ہے۔

واضح رہے کہ راجیہ سبھا میں حزب اختلاف ارکان پارلیمنٹ کسان بل کے خلاف زبردست دھرنا دیا لیکن ان تمام ہنگامہ آرائیوں کے درمیان یہ بل راجیہ سبھا میں پاس ہوگیا۔

حزب اختلاف چاہتا تھا کہ فارمر بل پر ووٹ(ڈیویژن) ہو لیکن حکومت نے اس بل کو زبانی ووٹ سے منظور کر لیا۔