گوگل کی جانب سے بے گھر لوگوں کی امداد

گوگل نے مہاجرین کو وبائی امراض سے بچنے اور ڈیجیٹل اسکل ٹریننگ میں مدد کے لیے بڑی امداد کا اعلان کیا ہے۔

اقوام متحدہ کے ہائی کمشنر برائے مہاجرین (یو این ایچ سی آر) کو گوگل نے 550000 امریکی ڈالر کی مدد کی ہے۔ اس کے علاوہ گوگل نے یو این ایچ سی آر کو تین ملین ڈالر کی اضافی مدد کا بھی اعلان کیا۔

کمپنی نے ایک بیان میں کہا ہے کہ 'گوگل آرگنائزیشن ایک برس کے دوران الجیریا اور مراکش سمیت ایم ای این اے کے خطے میں مہاجرین اور غیر مقیم افراد کی مدد کے لئے آن لائن تربیت کی میزبانی کرے گی'۔

اقوام متحدہ کے ہائی کمشنر برائے مہاجرین (یو این ایچ سی آر) کی ایک رپو رٹ کے مطابق پچھلے برس کے آخر میں ظلم و ستم، تنازعات، تشدد یا انسانی حقوق کی پامالیوں کے نتیجے میں 79 ملین سے زیادہ افراد بے گھر ہوئے تھے۔ جن میں سے 29 ملین مہاجرین تھے۔

ورلڈ ریفیوجی کے بارے میں گوگل ڈاٹ آرگ کے صدر جیکلین فلر نے کہا ہے کہ 'سنہ 2015 سے ہم نے گوگل آر ڈاٹ آرگ میں ایک ملین سے زائد مہاجرین کو ہنگامی مدد، ضروری معلومات اور تعلیمی وسائل تک رسائی فراہم کرنے میں 30 ملین ڈالر سے زیادہ کا عطیہ دیا ہے'۔

فلر نے وضاحت کی ہے کہ 'ہم اقوام متحدہ کی مہاجر ایجنسی (یو این ایچ سی آر) کی 550،000 گوگل آرگ اور یوٹیوب کی مدد کر رہے ہیں تاکہ مہاجرین کو وبائی امراض اور ڈیجیٹل ہنروں کی تربیت فراہم کرنے کے لیے ضروری مواد فراہم کیا جائے اور متاثرہ ممالک میں گوگل سرچ کو اپ ڈیٹ کیا جاسکے۔ تاکہ لوگوں کو ہر وقت قابل اعتماد معلومات تک رسائی حاصل ہو'۔

یوٹیوب نے پناہ گزینوں اور متاثرہ ممالک میں ان کی میزبانی کرنے والی تنظیموں کو پانی، طبی دیکھ بھال اور حفظان صحت سے متعلق مواد سمیت زندگی بچانے میں مدد فراہم کرنے کے لئے یو این ایچ سی آر کو پہلے ہی 250،000 ڈالر کا عطیہ کیا ہے'۔

یو این ایچ سی آر کے مطابق' سنہ 2019 میں پناہ گزینوں کی 47 فیصد آبادی 18 سے 59 سال کی عمر کے درمیان تھی اور اس آبادی میں بے روزگاری کی شرح میں اضافے کی توقع ہے'۔

یہ مواد لبنان، اردن اور ترکی میں مقیم مہاجرین کی مدد کے لئے پہلے ہی عربی، انگریزی، ترکی اور فارسی میں دستیاب ہیں۔