ای ٹی وی بھارت کی مہم کو واٹر مین کی حمایت حاصل

واٹر مین کے نام سے مقبول راجندر سنگھ نے ای ٹی وی بھارت کی مہم ' ندیا کنارے-کس کے سہارے' سے جڑنے کی بات کہی ہے۔ ملک میں آبی ذرائع کے تحفظ کے لیے ای ٹی وی بھارت اس مہم کی شروعات کی ہے۔

ملک بھر میں خاص طور پر ریاتس راجستھان میں پانی کی خشک سالی پر مسلسل جدوجہد کرنے والے، اسی طرح بنجر زمینوں کو قابل کاشت بنانے والے راجندر سنگھ نے اس مہم کی تعریف کی ہے۔

راجندر سنگھ نے ای ٹی وی بھارت سے بات کرتے ہوئے کہا کہ 'چھتیس گڑھ کی ندیاں ارپا، کھارونی، اندراوتی اور مہاندی سے ریت نکالے جانے کے عمل کو خطرناک بتایا۔ انہوں نے کہا کہ جس طرح سے انسان کے جسم میں پھیپھڑا خون کی صفائی کا کام کرتا ہے بالکل اسی طرح ریت ندیوں کو صاف رکھنے میں معاون ثابت ہوتی ہے۔

انہوں نے ریاست کی تنظیموں اور عوام سے اس مہم سے جڑنے کی اپیل کرتے ہوئے کہا کہ اس مہم کو ملک گیر سطح پر چلانا چاہیئے کیوں کہ قدرتی ذرائع کی حفاظت نوع انسانی کے فرائض میں شامل ہے۔