کیا گوتم گمبھیر کو نظر نہیں آئے ایک بستر پر چار مریض؟

سابق بھارتی کرکٹر ورکن پارلیمان گوتم گمبھیر نے وزیر اعظم نریندر مودی کے یوم پیدائش کے موقعے پر مریضون کی عیادت کی جس کے بعد انہیں ٹرول کیا جارہا ہے۔

در اصل 17 ستمبر کو وزیر اعظم نریندر مودی کی یوم پیدائش تھی، اس موقعے پر ملک بھر میں بی جے پی کارکنان نے وزیر اعظم کی یوم پیدائش کو خوب دھوم دھام سے منایا، اسی طرح رکن پارلیمان گوتم گمبھیر نے بھی وزیر اعظم مودی کی یوم پیدائش کو منانے کے لیے لال بہادر شاستری ہسپتال پہنچے جہاں انہوں نے مریضون کی عیادت کی اور ڈاکٹروں سے سہولیات کے بارے میں معلومات لی۔

اس دوران کئی حیران کرنے والی تصویریں سامنے آئیں، جس میں رکن پارلیمان گوتم گمبھیر پھل تقسیم کرتے ہوئے دیکھے گئے، جہاں ایک ہی بستر پر دو خواتین اور دو نوزائیدہ بچے بھی لیٹے ہوئے تھے، اس تصویر کے وائرل ہونے کے بعد گوتم گمبھیر کو خوب ٹرول کیا جارہا ہے۔