' ہم متحد ہوکر ہی کورونا سے جیت سکتے ہیں'

سابق بھارتی کرکٹر اور اب رکن پارلیمان گوتم گمبھیر نے کہا ہے کہ لوگ متحد ہوکر ہی کورونا وائرس سے لڑ سکتے ہیں اور اس پر فتح حاصل کر سکتے ہیں۔

کورونا وائرس کی وجہ سے مرکزی حکومت نے ملک بھر میں لاک ڈاؤن کا اعلان کیا ہوا ہے جو میں تین مئی تک چلے گا۔ گمبھیر نے ایم پی کی حیثیت سے ضرورتمندوں کی مدد کی ہے اور اپنے فنڈ سے وزیر اعظم ریلیف فنڈ میں ایک کروڑ روپے کی رقم عطیہ دی ہے۔

گمبھیر نے اسٹار اسپورٹس کے شو کرکٹ کنکٹڈ میں کہا کہ' ہم اس جنگ کو متحد وکر ہی جیت سکتے ہیں اور سب سے ضروری ہے ہدایات پر عمل کرنا۔ اگر ہمیں گھر میں رہنے کے لئےکہا گیا ہے تو ہمیں کسی بھی قیمت پر گھر سے نہیں نکلنا چاہئے۔ ہمارے لئے قوانین پر عمل کرنا سب سے ضروری ہے اور اسی میں ملک کی بھلائی ہے۔ '

انہوں نے کہا 'کہ اگر ہم مدد کی بات کریں تو میری نظر میں عطیہ دینے کی کوئی حد نہیں ہوتی ہے۔ اگر کوئی شخص اپنی مرضی سے ایک روپے بھی عطیہ دیتا ہے تو یہ بڑی مدد ہے۔ '

لاک ڈاؤن کے دوران گھر میں کس طرح وقت گزر رہا ہے، گمبھیر نے کہاکہ مجھے لاک ڈاؤن کے دوران پودوں اور باغ میں گھاس کو صحیح رکھنے کی ذمہ داری دی گئی ہے۔ لیکن عجیب بات یہ ہے کہ میں گھاس میں تین دن سے پانی ڈال رہا ہوں لیکن پھر بھی یہ بڑھ نہیں رہی ہے۔ جیسے وی وی ایس لکشمن میری بات نہیں سنتے تھے ویسے ہی گھاس بھی میری بات پر توجہ نہیں دے رہی ہے۔