'گیس کی قیمتوں میں اضافہ شکست کا نتیجہ'

اترپردیش کے ضلع پریاگ راج میں مجلس اتحاد المسلمین کی جانب سے رسوئی گیس کی قیمتوں میں اضافے کے خلاف احتجاج کیا گیا۔

آل انڈیا مجلس اتحاد المسلمین کی پریاگ راج شاخ نے الزام لگایا ہے کہ دہلی اسمبلی انتخابات میں عام آدمی پارٹی کے ہاتھوں شکست سے بوکھلاہٹ کا شکار بی جے پی کی قیادت والی مرکزی حکومت نے رسوئی گیس کی قیمتوں میں بے تحاشہ اضافہ کیا ہے۔

پریاگ راج کے روشن باغ میں واقع منصور علی پارک میں گزشتہ تقریبا 29 دنوں سے شہریت(ترمیمی)قانون کے خلاف احتجاجی مظاہرہ جاری ہے۔

رسوئی گیس کی قیمتوں میں اضافہ پر پارک کے باہر شہریوں نے اکٹھا ہوکر اضافی قیمتوں کے خلاف اپنا احتجاج درج کرایا اور حکومت کے خلاف نعرے لگائے۔

ایم آئی ایم پریاگ راج کے سابق صدر افسر محمود نے کہا کہ مرکزکی مودی حکومت نے دہلی میں شکست فاش سے دو چار ہونے کے بعد رسوئی گیس کی قیمتوں میں 149 روپئے کا اضافہ کر کے عوام کو اپنا نشانہ بنا رہی ہے۔

انہوں نے کہا کہ بی جے پی نے رسوئی گیس کی قیمتوں میں بے تحاشہ اضافہ کر کے اپنی ناکامی کو ظاہر کردیا ہے۔

روش باغ واقع منصور علی پارک کے باہر رسوئی گیس کی قیمتوں کے حوالے سے لوگوں نے سلنڈر چھپے اور نعرے لکھے پوسٹرز ہاتھوں میں لے کر احتجاج کیاہے۔

مذکورہ جماعت کے رہنما محمود نے کہا کہ ایک تو غریب عوام ویسے ہی مہنگائی کی چکی میں پس رہے ہیں۔اس پر اس قسم کی قیمتوں میں اضافہ کر کے مرکزی حکومت عوام کے زخموں پر نمک پاشی کا کام کیا ہے۔

حکومت کو رسوئی گیسوں کی قیمتوں میں بے تحاشہ اضافہ پر دوبارہ غورکرنا چاہئے۔ماہرین کے مطابق دہلی اسمبلی انتخابات کی وجہ قیمتوں میں اضافے کا اقدام تاخیر سے کیا گیا۔