ہماچل پردیش میں برف باری سے عام زندگی متاثر

رواں برس 2020 میں شروع ہونے والی برف باری برف رکنے کا نام نہیں لے رہی ہے۔

ریاست ہماچل پردیش کے بیشتر علاقوں میں بدھ کے روز موسم صاف رہنے کی توقع ہے۔ تاہم محکمہ موسمیات کے مطابق ، ریاست میں موسم ایک بار پھر موڑ پھیرے گا اور 23 سے 25 جنوری تک موسم خراب ہونے کا امکان ہے۔

پیش ہے ای ٹی وی بھارت کی خصوصی رپورٹ

ریاست کے اوپری اضلاع میں شدید برف باری ہو رہی ہے ، جس کی وجہ سے عام زندگی مفلوج ہوکر رہ گئی ہے۔ برف باری کے سبب سڑکوں پر گاڑیوں بھی کم نظر آرہی ہیں اور متعدد راستوں کو بھی بند کردیا گیا ہے۔

ریاست میں بگڑتے ہوئے موسم کے پیش نظر ضلعی انتظامیہ نے تمام سیاحوں اور مقامی لوگوں کو انتباہ دیا ہے کہ وہ بالائی علاقوں میں نہ جائیں۔ شملہ انتظامیہ نے ہدایت جاری کرتے ہوئے کہا ہے کہ کوفری جانے والے تمام سیاحوں کو شام ساڑھے تین بجے سے پہلے شملہ واپس جانا ہوگا۔ ماضی میں برف باری کے بعد کفری اور فگو میں بہت سی گاڑیاں پھنس گئیں اور پولیس نے کافی محنت کے بعد گاڑیوں کو باہر نکالا۔