اوڈیشہ کے بارگڑھ ضلع میں پانیمورا سے تعلق رکھنے والے آزادی کے علمبردار دیانیدھی نائک برطانوی حکومت کے خلاف بھارت چھوڑو تحریک میں شامل تھے۔
بارگڑھ کے ایڈیشنل ڈسٹرکٹ مجسٹریٹ کرتباس روٹ نے پانیمورا میں نائک کی آخری رسومات کے دوران خراج تحسین پیش کیا۔
مزید پڑھیں : قومی فلم انعام یافتہ آیوشمان کھرانہ کا سفر ایک نظم میں
کرتباس روٹ نے کہا 'وہ پانیمورا کے 32 فوجیوں میں سے زندہ بچ جانے والے آخری دو افراد میں سے ایک تھے۔ ہم سب اس کے انتقال پر غمزدہ ہیں؛ کیونکہ وہ ایک نامور مجاہد آزادی تھے۔ '
اوڈیشہ کی ریاستی انتظامیہ کی جانب سے انہیں گارڈ آف آنر دیا جائے گا۔
پانیمورا کی سواتنترتا سنگرامی سمیتی کے ایڈیٹر پروفیسر ٹیک چند نے کہا کہ 'نائک نے بھارت کی آزادی میں نمایاں کردار ادا کیا تھا۔ وہ پانیمورا ضلع کے سب سے کم عمر مجاہد آزادی تھے۔'
بھارت چھوڑو تحریک کے دوران نائک کو نو مہینے کے لیے جیل میں ڈالا گیا۔ وہ گاندھی جی کے نظریہ کے حامل تھے یہاں تک کہ وہ گاندھی جی کی طرح دھوتی بھی پہنتے تھے۔'