کانگریس پارٹی کے سینئر رہنما اور سابق وزیراعظم ڈاکٹر منموہن سنگھ کی صحت میں بہتری آنے کے بعد آج صبح انھیں دہلی کے ایمس اسپتال سے تقریباً 11:30 بجے رخصت کردیا گیا۔
موجودہ وقت میں قہر برپا کردینے والے کورونا وائرس کی دو علامتیں ڈاکٹر منموہن سنگھ میں پائی گئی تھیں جس کی وجہ سے انھیں اتوار کی شب 8:45 کو ایمس میں فوری طور پر داخل کرایا گیا تھا۔
سانس لینے میں تکلیف اور بخار ہونے کی وجہ سے انھیں کورونا وائرس سے متاثر مانا جارہا تھا لیکن اچھی خبر یہ رہی کہ ان کا کووڈ ٹیسٹ نگیٹیو آیا۔
پیر کے روز بھی ان کے دیگر تمام ٹیسٹ کی رپورٹ نارمل آئیں، انھیں گزشتہ روز آٹھ بجے آئی سی یو سے نکال کر نجی وارڈ میں رکھا گیا تھا۔
سابق وزیراعظم کو سب سے زیادہ پریشانی سانس لینے میں ہورہی تھی اور ساتھ ہی انھیں سینے میں درد ہونے کی شکایت بھی ہوئی جس کی وجہ سے ان کے گھروالے کافی پریشان ہوگئے تھے۔ لیکن سبھی رپورٹ نارمل آنے کے بعد ان کے گھروالوں نے راحت کی سانس لی۔