انڈونیشیا میں بارش کے بعد سیلاب،50افراد ہلاک

انڈونیشیا کے صوبہ پاپوا میں شدید بارش اور سیلاب کی وجہ سے50 افراد ہلاک جبکہ 59 ز خمی ہو گئے۔

انڈونیشیا کے حکام کے مطابق پاپوا کے علاقے سینتانی میں ہفتہ سے موسلا دھار بارش جاری ہے، سیلابی صورتحال کے باعث درجنوں مکانات زمیں بوس ہوگئے ۔

سیلاب سے متاثرہ 120 سے زائد افراد سرکاری دفتر میں عارضی پناہ لیے ہوئے ہیں، جبکہ حکام نے ہلاکتوں میں مزید اضافے کا خدشہ ظاہر کیا ہے۔

مقامی ڈیزاسٹر ایجنسی کی ہنگامی یونٹ کی سربراہ کوری سمبولون نے بتایا کہ موسلا دھار بارش کی وجہ سے سیلاب سے ضلع جياپورہ کے کئی گاؤں متاثر ہوئے ہیں۔

انہوں نے بتایا کہ سیلاب سے 21 افراد زخمی ہوئے ہیں اور 18 دیگر کو معمولی چوٹیں آئی ہیں۔