جارجیا: طیارہ حادثہ میں پانچ افراد ہلاک

جارجیا کے دیہی علاقے میں ایک طیارہ گر کر تباہ ہو گیا جس میں پانچ افراد ہلاک ہوگئے۔

جارجیا کے دیہی علاقوں میں ہلاک شدہ گھریلو طیارہ میں فلوریڈا کے ایک خاندان کے چار افراد بھی شامل تھے۔ جن کی انڈیانا میں آخری رسومات ادا کی گئیں۔

پوٹنم کاؤنٹی کے شیرف ہاورڈ سیلز نے مقامی خبر رساں اداروں کو بتایا کہ 'اٹلانٹا کے جنوب مشرق میں 100 میل (161 کلومیٹر) کے فاضلہ پر جنوب مشرق میں دوپہر کے حادثے میں کوئی بھی زندہ بچ نہیں سکا'۔

سیلز نے متاثرین کی شناخت فلوریڈا کے موریسٹن کی 67 سالہ لیری رے پریوٹ کے طور پر کی۔

ان کے علاوہ گینس ول فلوریڈا کے 41 سالہ شان چارلس لامونٹ، ان کی اہلیہ جوڈی رای لامونٹ اور ان کے دو بچے، چھ سالہ جیس اور چار سالہ ایلس بھی شامل ہیں۔

فیڈرل ایوی ایشن ایڈمنسٹریشن نے بتایا کہ 'پائپر PA31-T فلوریڈا کے شہر ولسٹن سے انڈیانا کے نیو کاسل کے لئے پرواز کر رہا تھا'۔

ٹریسی کارٹر ، جو ایک ملڈجیویل کے رہائشی ہیں، نے یونین ریکارڈر کو بتایا کہ 'اس نے دیکھا کہ ایک طیارہ اس علاقے میں چکر لگا رہا تھا کہ اچانک اسے آگ لگ گئی'۔

انھوں نے بتایا کہ 'ہوائی جہاز کے کچھ حصے اڑ گئے اور قریبی کھیت میں گر گئے'۔

ایف اے اے اور نیشنل ٹرانسپورٹیشن سیفٹی بورڈ تحقیقات کرے گا۔