اس بات کی اطلاع اتوار کے روز نیوزی لینڈ کے بھارتی ہائی کمشنر نے دی ہے۔
بھارتی ہائی کمشنر نے مزید اطلاع دیتے ہوئے بتایا کہ دو بھارتی اور دو بھارتی نژاد اس حملے میں زخمی ہوئے ہیں،جن کا علاج چل رہاہے۔
ان پانچوں ہلاک شدگان بھارتیوں کا نام محبوب کھوکھر،رمیز بوہرا،عارف بوہرا،انسی علی باوا اور عزیر قادر ہیں۔
25 سالہ عزیر قادرکا تعلق حیدرآبا سے تھا،جو ایویئیشن کالج کا طالب علم تھا۔
25 سالہ انسی علی باوا کا کیرالہ سے تعلق ہے۔انسی جو اپنے شوہر کے ساتھ مسجد گئی تھی۔ وہ ایم ٹیک کی پڑھائی کر رہی تھی۔
ودودرا کے عارف بوہرا اور ان کے بیٹے رمیز بوہرا النور مسجد میں فائرنگ کے بعد سے لاپتہ بتائے جا رہے تھے۔حالانکہ اب ان کی موت کی تصدیق ہو چکی ہے۔
وہیں حیدرآباد سے احمد اقبال جہاں گیر کے بارے میں ان کے بھائی خورشید جہاں گیر نے بتایا کہ وہ ہسپتال میں ہیں اور وہ صحت یاب ہو رہے ہیں۔
