ریاست اتر پردیش کے آگرہ میں یمنا ایکسپریسوے پر آج صبح دردناک سڑک حادثہ پیش آیا جس میں سوار سبھی پانچ مسافر کی موقعے پر موت ہو گئی۔
اتر پردیش میں زبردست سڑک حادثہ، سبھی ہلاک موصولہ اطلاعات کے مطابق ایکسپریسوے پر کنٹینر اور کار کے مابین ٹکر ہو گئی، ٹکر اتنا زبردست تھا کہ کار میں آگ لگ گئی اور دیکھتے ہی دیکھتے کار میں سوار سبھی پانچ مسافر زندہ جل گئے۔
بتایا جاتا ہے کہ جب یہ حادثہ پیش آیا تو س وقت کار میں سوار مسافر مدد کی گہار لگاتے رہے لیکن ان کی مدد کو کوئی نہیں پہنچ، تقریبا ایک گھنٹے کے بعد پولیس اور فائر بریگیڈ عملہ جائے وقوع پر پہنچا۔
اطلاعات کے مطابق غلط سمت سے آرہی ناگا لینڈ نمبر کے کنٹینر نے کار کو ٹکر مار دی جس کے بعد اتنا دردناک حادثہ ہو گیا۔ عینی شاہد کے مطابق کار میں سوار مسافر مدد کی گہار لگاتے رہے لیکن وقت پر ان کی مدد نہیں ہو سکی۔
