'بد نظمی پھیلانے والوں کے خلاف سخت کاروائی کی جائے گی'

ریاست بہار کے ضلع دربھنگہ میں چوتھے مرحلے میں ہونے والے انتخابات کے لیے پرچہ نامزدگی کے پہلے روز سروج کمار چودھری نے متھلا مکتی مورچہ پارٹی کے طرف سے پرچہ نامزدگی داخل کیا۔

کلکٹر تیاگ راجن ایس ایم نے ایک پریس کانفرنس کرتےہوئے کہا کہ اس مرتبہ جو بھی نئے ووٹر ہوں گے انہیں ملینیم ووٹر کا درجہ دیا گیا ہے اور انتخاب والے دن ان ووٹروں کا نام ان کے پولنگ مرکز پر ڈسپلے کروایا جائے گا۔وہیں جو ووٹروں کو ووٹ نہ ڈالنے کے لیے اکسانے کا کام کرتے ہیں، ایسے لوگوں کو جیل بھیج دیا جائے گا۔ کیونکہ دربھنگہ کے کسی علاقے میں ایک گروپ کے لوگ روڈ نہیں تو ووٹ نہیں دینےکی بات کررہے ہیں۔

اس موقع پر دربھنگہ کے ایس ایس پی با بو رام نے کہا کہ ابھی تک کل 51 لوگوں پر سی سی اے کے تحت کاروائی کی جا چکی ہے۔ اور بقیہ 150 پر سی سی اے کی کارروائی کی جا رہی ہے اور شراب یا دوسرے کسی جرم میں جو لوگ پہلے سے ملبوس ہیں ان لوگوں کا نام گنڈہ رجسٹر میں درج کروایا جا رہا ہے انتخاب کو لیکر دربھنگہ میں ضرورت کے حساب سے افواج دستیاب ہو جائے گا، کسی بھی صورت میں انتخابات پر سکون طریقہ سے کروا لیا جائے گا۔