فیکٹری میں آتشزدگی کے سبب تین ہلاک

گجرات میں احمدآباد شہر کے اوڈھو علاقے میں آج کپڑے کا لیبل بنانے والی ایک فیکٹری میں آگ لگنے سے تین ورکروں کی موت ہو گئی۔

فائر بریگیڈ کے افسر ایم پی مستری نے بتایا کہ لکی لیبل پرنٹنگ فیکٹری کی پانچ منزلہ عمارت کے سب سے اوپر والے حصے میں آگ لگنے کی وجہ سے ایک گیس سلینڈر بھی پھٹ گیا۔

فیکٹری کے اوپر والے حصے میں پھنسے ہوئے تین ورکروں کی موت ہو گئی۔ آگ کی اطلاع دوپہر بعد تین بجے موصول ہوئی اور اسے بجھانے میں پانچ گھنٹے سے زیادہ کا وقت لگا۔ آگ لگنے کی وجوہات کا پتہ نہیں چل سکا ہے۔