بارہ بنکی: مویشی پروری کے لئے نابارڈ کی جانب سے مالی امداد

نیشنل بینک فار رورل ڈیولپمنٹ (نابارڈ) مرکزی حکومت کا ادارہ ہے جو دیہی ترقی کو فروغ دینے کے لئے مسلسل کوشاں رہتا ہے۔

لاک ڈاؤن کی وجہ سے پریشان کسانوں اور دیہی علاقوں کے بے روزگار کسانوں کے لیے قومی بینک برائے زراعت اور دیہی ترقی یعنی نابارڈ نے مالی تعاون کا اعلان کیا ہے۔

نابارڈ کی جانب سے مویشی پروری کے لئے قرض پر 25 تا 33 فیصدی تک سبسڈی مہیا کرائی جا رہی ہے۔ اس اسکیم کی سب سے خاص بات یہ ہے کہ قرض کی متعین سبسڈی لون کے ساتھ بینک ہی مہیا کرائے گا۔

واضح رہے کہ نیشنل بینک فار رورل ڈیولپمنٹ (نابارڈ) مرکزی حکومت کا ادارہ ہے جو دیہی ترقی کو فروغ دینے کے لئے مسلسل کوشاں رہتا ہے۔

اس ادارے کے ذریعے دیہی علاقوں کے انفراسٹرکچر کی ترقی کے لئے مختلف قرض کی اسکیمیں ہوتی ہیں جن میں سبسڈی کا نظم بھی ہوتا ہے۔

لاک ڈاؤن کے بعد سے ان اسکیمز کو فروغ دیا جا رہا ہے۔ مویشی پروری کے لئے ریاست میں ڈیڑھ کروڑ روپے کی سبسڈی الاٹ کی گئی ہے۔

اس اسکیم کے تحت کسان اور دیہی بے روزگار۔ بکری، مرغی پروری کے لئے قرض لے کر اپنا روزگار شروع کر سکتے ہیں۔ اس کے لئے 25 سے 33 فیصدی تک سبسڈی مہیا کرائی جا رہی ہے۔