پٹنہ ایئر پورٹ پر بی جے پی کارکنوں کے درمیان جھڑپ

مرکزی وزیر روی شنکر پرساد جب ایئر پورٹ پہنچے تو آر کے سنہا کے حامیوں نے ان کے خلاف نعرے بازی کی۔

پٹنہ صاحب پارلیمانی حلقے کے مضبوط دعویدار مانے جانے والے آر کے سنہا کو ٹکٹ نہ ملنے سے ان کے حامی ناراض ہیں۔
جے پی ایئرپورٹ پر بی جے پی کے راجیہ سبھا رکنپارلیمنٹ آر سنہا اور مرکزی وزیر روی شنکر پرساد کے حامیوں کے درمیان جھڑپ ہوئی۔ دونوں رہنماؤں کے حامیوں نےہاتھاپائی بھی کی۔ اس دوران ایئر پورٹ پر افرا تفری کا ماحول رہا۔

خبروں کے مطابق روی شنکر پرساد جیسے ہی ایئرپورٹ پر پہنچے، آر کے سنہا کے حامیوں نے روی شنکر پرساد کو سیاہ پرچم دکھایا۔ اس کے بعد ایئر پورٹ پر موجود روی شنکر پرساد اور آرکے سنہا کے حامیوں کے درمیان جھڑپ ہو گئی۔

موقع پر موجود پولیس اہلکار نے حامیوں پر قابو میں کرنے کی کوشش کی۔ حامیوں کی بھیڑ کو دیکھتے ہوئے اضافی پولیس فورس موقع پر تعینات کیا گیا ہے۔

خیال رہے کہ سابق وزیر مالیات یشونت سنہا کے بیٹے آر کے سنہا کو پٹنہ صاحب لوک سبھا حلقے سے مضبوط دعویدار مانا جا رہا تھا۔