خاتون رکشہ ڈرائیور بھکمری کی دہلیز پر

لاک ڈاؤن کا اثر کسی کی زندگی پر کتنا ہوا ہے کوئی شانتی شرما سے پوچھے۔ بیوہ خاتون، جن کے کاندھوں پر اپنے بچوں کی پرورش کی ذمہ داری ہے۔ اس سے پہلے وہ رکشہ چلا کر اپنا گذارا کرتی تھیں، لیکن لاک ڈاون کے سبب وہ بھکمری کے دہانے پر پہنچ گئی ہیں۔

لاک ڈاؤن کا اثر کسی کی زندگی پر کتنا ہوا ہے کوئی شانتی شرما سے پوچھے۔ بیوہ خاتون، جن کے کاندھوں پر اپنے بچوں کی پرورش کی ذمہ داری ہے۔ اس سے پہلے وہ رکشہ چلا کر اپنا گذارا کرتی تھیں، لیکن لاک ڈاون کے سبب وہ بھکمری کے دہانے پر پہنچ گئی ہیں۔

اتر پردیش کی دارلحکومت لکھنؤ کی شانتی شرما خاتون ہونے کے باوجود گھر چلانے کی ذمہ داری کے سبب ای رکشہ ڈرائیور بن گئی ہیں۔ شوہر کی طویل بیماری کے بعد موت ہو گئی لیکن انہوں نے ہمت نہیں ہاری۔

ای ٹی وی بھارت سے بات چیت کے دوران بتایا کہ شوہر کے انتقال کے بعد آمدنی کا کوئی ذریعہ نہیں تھا۔ گھر میں اتنا پیسہ نہیں تھا کہ اپنا اور ایک بیٹے کا خرچہ پورا ہو سکے، لہذا بینک سے لون لے کر ای رکشہ خریدا تاکہ محنت کر کے بیٹے کو تعلیم یافتہ بنا سکیں۔

انہوں نے بتایا کہ 'پہلے صبح سے دیر رات تک رکشہ چلا کر 500-600 روپے کی آمدنی ہو جاتی تھی، جس سے ہمارے اخراجات پورے ہوتے تھے، لیکن لاک ڈاؤن نے ہماری کمر توڑ دی ہے'۔

دو ماہ سے رکشہ کھڑا ہے۔ آمدنی کا کوئی ذریعہ نہیں رہا۔ کچھ لوگوں سے گھر کے اخراجات پورے ہوتے رہے۔ حکومت اور ضلع انتظامیہ کی جانب سے صرف 10 کلو کلو چاول مہیا کرایا گیا ہے۔

انہوں نے مزید بتایا کہ لکھنؤ میں جب سے لاک ڈاؤن میں تھوڑی راحت دی گئی ہے تب سے رکشہ چل رہے ہیں لیکن سواری ملنا اب بھی مشکل ہے۔

شانتی شرما نے بتایا کہ بینک والے فون کر کے لون کی قسط جمع کرنے کے لئے بار بار فون کر کے دباؤ بنا رہے ہیں۔ انہوں نے بتایا کہ ایک ماہ کی قسط نو ہزار روپے ہے۔ لاک ڈاؤن سے آمدنی نہیں ہوئی۔ ایسے میں بینک قسط کیسے جمع کر سکتے ہیں؟

بھارت سے کورونا وائرس ختم ہوگا اور لاک ڈاؤن بھی ہٹ جائے گا لیکن اس دوران شانتی شرما جیسی ہزاروں خواتین کو جو مشکلات کا سامنا کرنا پڑا ہے، اس کا جواب کون دیگا؟ حکومت کے بلند و بانگ دعوے ہیں لیکن زمینی حقائق بالکل برعکس ہیں۔