بیٹی کی شادی سے پہلے باپ کی موت

باپ کی موت کے باوجود بھی ان کے ارکان خاندان نے ان کی بیٹی کی شادی کردی اور نکاح کے بعد ہی دلہن کو اطلاع دی گئی کہ ان کے والد کا انتقال ہوگیا ہے۔ اس طرح ان کے انتقال کے بعد شادی کے گھر میں ماتم چھاگیا۔

ریاست آندھراپردیش کے ضلع نیلور میں نہایت چونکا دینے واقعہ پیش آیا بیٹی کی شادی سے پہلے باپ کی موت ہوگئی۔

بیٹی کی شادی سے پہلے باپ کی موت ہوگئی۔ یہ واقعہ اے پی کے ضلع نیلور کے نائیڈو پیٹ میں پیش آیا۔

تفصیلات کے مطابق 56 سالہ یزدانی باشاہ فینسی دکان چلاتے تھے،انہوں نے اپنی بیٹی سائرہ بانوکی رواں ماہ 22 تاریخ کو ہونے والی شادی کے لئے تمام انتظامات کئے تھے ا ورشادی کے کارڈس بھی تقسیم کئے جاچکے تھے۔

گھر میں جشن کا ماحول تھا تاہم شادی سے پہلے وہ بیمار پڑ گئے اور ان کو علاج کے لئے اسپتال منتقل کیا گیا تاہم بہتر علاج کے لئے ان کو چینئی کے ایک اسپتال لے جایا گیا، جہاں انہوں نے شادی سے پہلے آخری سانس لی۔

باپ کی موت کے باوجود بھی ان کے ارکان خاندان نے ان کی بیٹی کی شادی کردی اور نکاح کے بعد ہی دلہن کو اطلاع دی گئی کہ ان کے والد کا انتقال ہوگیا ہے۔اس طرح ان کے انتقال کے بعد شادی کے گھر میں ماتم چھاگیا۔