مارچ تک کسانوں کو پی ایم کسان اسکیم کا فائدہ ملے گا: تومر

وزیر زراعت نریندر سنگھ تومر نے پیر کے روز کہا کہ مارچ کے آخر تک ملک کے تمام 12 کروڑ کسانوں کو پرھان منتری کسان سمان نیدھی یوجنا (پی ایم کسان) کا فائدہ ملنےکی توقع ہے۔

تومر نے پی ایم کسان اسکیم کے ایک سال مکمل ہونے پر یہاں منعقدہ پریس کانفرنس سے خطاب کرتے ہوئے کہا کہ اب تک تقریباً 8.5 کروڑ کسانوں کو اس اسکیم کا فائدہ مل گیا ہے۔ اس منصوبہ کے تحت اہل کسانوں کو سالانہ 6000 روپے کی مالی مدد دی جاتی ہے۔

انہوں نے اس اسکیم کو تاریخی قرار دیتے ہوئے کہا کہ آزادی کے بعد ملک میں کسی بھی منصوبے کا فائدہ ایک سال میں ساڑھے آٹھ کروڑ لوگوں کو نہیں ہوا تھا۔

انہوں نے کہا کہ کچھ ریاستوں میں اسے نافذ کرنے کی رفتار سست ہے لیکن ان ریاستوں میں بھی اس کی رفتار بڑھانے کی کوشش کی جارہی ہے۔ ریاستوں کی بھی اپنی ترجیحات ہوتی ہے۔
انہوں نے کہا کہ ملک میں کسانوں کی آمدنی میں اضافہ کے لئے 10 ہزار نئے یف پی او بنائے جائیں گے اور ہر ایف پی او کو زیادہ سے زیادہ 15 لاکھ روپے کی مالی مدد دی جائے گی۔