میٹنگ کے دوران کسان رہنماؤں نے سرکاری کھانے کے بجائے لنگر کھایا

بحث کے درمیان دوپہر کے کھانے کے وقفے کے دوران، کسانوں نے حکومت کی طرف سے دیئے گئے لنچ اور چائے کو بھی قبول نہیں کیا۔ دوپہر کے کھانے کے دوران کسانوں نے اپنے ساتھ لایا ہوا لنگرکھایا۔

قومی دارالحکومت دہلی میں زرعی قوانین کے خلاف مختلف ریاستوں کے کسان دھرنے پر بیٹھے ہیں، مشتعل کسان قائدین نے جمعرات کو زرعی قوانین کی مخالفت کرتے ہوئے حکومت کی سے جانب سے پیش کیے گئے کھانے کو ٹھکراتے ہوئے حکومت کو سخت پیغام دیا۔

دوارن بحث دوپہر کے کھانے کے وقفے کے دوران، کسانوں نے حکومت کی طرف سے دیئے گئے لنچ اور چائے کو بھی قبول نہیں کیا۔ دوپہر کے کھانے کے دوران کسانوں نے اپنے ساتھ لایا ہوا کھانا کھایا۔ کسانوں نے بتایاکہ' دوپہر کے کھانے کا وقفہ ہوگیا ہے۔ حکومت نے ہمیں کھانے اور چائے کی پیش کش کی تھی لیکن ہم نے انکار کردیا اور صرف لنگر ہی کھایا جو ہم اپنے ساتھ لے گئے تھے۔

فصلوں کی کم سے کم امدادی قیمت کی ضمانت کی فراہمی کے لئے یہاں وگیان بھون میں کسانوں کی تنظیموں اور حکومت کے مابین مذاکرات کا چوتھا دور جاری ہے۔ وزیر زراعت نریندر سنگھ تومر، خوراک اور فراہمی کے وزیر پیوش گوئل اور وزیر مملکت برائے تجارت سوم پرکاش اجلاس میں شریک ہیں۔ حکومت کسان تنظیموں کے چالیس نمائندوں سے بات چیت کر رہی ہے۔

اس میٹنگ کے دوران، جو بارہ بجے سے جاری تھی، جب کھانے کا وقت ہوا تو کسانوں نے گردوارے سے لنگر منگایا اور زمین پر بیٹھ کر کھانا کھایا۔ اس کے بعد، بات چیت دوبارہ شروع ہوئی جو اب بھی جاری ہے۔