نئے زرعی قوانین کے خلاف گزشتہ 14 دنوں سے دہلی۔ہریانہ بارڈر(سِنگھو بارڈر) پر احتجاج کر رہے کسانوں اور حکومت ہند کے درمیان 6 میٹینگز ہوچکی ہیں لیکن سبھی بے نتیجہ رہیں۔
کسانوں کا محض ایک ہی مطالبہ ہے کہ حکومت زرعی قوانین کو واپس لے، اس معاملے میں مرکزی وزیر داخلہ امت شاہ نے بھی گزشتہ روز کسان تنظیموں کے ساتھ میٹنگ کی تھی لیکن وہ بھی بے نتیجہ رہی تھی۔
آج صبح حکومت کی جانب سے کسانوں کو ایک تحریری تجویز بھیجی تھی جس کے بارے میں کسانوں کی میٹنگ میں بات چیت ہوگی اور آگے کا لائحہ عمل تیار کیا جائے گا۔ اس طرح کی اطلاع بھارت کسان یونین کے ریاستی صدر منجیت سنگھ دی ہے۔
اس کے علاوہ کسان سنگھرش سمیتی، پنجاب کے رکن کنول جیت سنگھ پننو نے کہا کہ 'ہمارا صرف اتنا ہی مطالبہ ہے کہ تمام زرعی قوانین کو واپس لیا جائے، اگر حکومت کی جانب سے بھیجی گئی تحریری تجویز میں محض ترامیم کی باتیں ہوں گی تو ہم اسے مسترد کر دیں گے۔