دار الحکومت امراوتی کی منتقلی پر مایوس کسان کی موت

آندھراپردیش کے دار الحکومت امراوتی کی منتقلی پر مایوس ایک اور کسان کا دل کا دورہ پڑنے سے موت ہوگئی۔اس سے قبل بھی کئی کسانوں کا دل کا دورہ پڑنے سے موت ہوچکی ہے۔

اطلاع کے مطابق ضلع گنٹور کے تُلورو دیہات کے رہنے والے 43 سالہ کے چندرم کی موت دل کا دورہ پڑنے سے ہوگئی۔وہ دارالحکومت کی منتقلی پر کافی مایوس تھا۔

چندرم نے چندرابابو دور حکومت میں نئے دارالحکومت امراوتی کی تعمیر کیلئے کسانوں سے لی گئی اراضی کے موقع پر اپنی اراضی حکومت کو دی تھی۔وہ دارالحکومت کی منتقلی کے خلاف گزشتہ کئی دنوں سے جاری کسانوں کے احتجاج میں شامل تھا۔

دار الحکومت امراوتی کی منتقلی پر مایوس کسان کی موت

وہ حکومت کے خلاف احتجاج میں شامل تھا۔اس کے رشتہ داروں نے بتایا کہ وہ دارالحکومت کی منتقلی پر وہ کافی مایوس تھا اور اسی مایوسی کے عالم میں دل کا دورہ پڑنے سے اس کی موت ہوگئی۔

اس کی موت کی اطلاع ملنے پر کسانوں نے اس کے گھر پہنچ کر اس کے غمزدہ ارکان خاندان کو پُرسہ دیا اور چندرم کو خراج پیش کیا۔