فاخرہ نورین نکاح کے بعد گزشتہ 32 برسوں سے ویزا کے سہارے اترپردیش کے شہر بلند شہر میں واقع اپنے سسرال میں رہ رہی تھیں، برسوں کی جدوجہد کے بعد بھارتی شہریت ملنے کر فاخرہ نے حکومت ہند کا شکریہ ادا کیا ہے۔
پڑوسی ملک پاکستان میں پیدا ہوئی فاخرہ نورین کا نکاح سنہ 1988 میں بلند شہر کے چنگی علاقے کے رہنے والے نسیم کے ساتھ ہوا تھا، چونکہ نسیم کے چند رشتہ دار پاکستان میں مقیم ہیں اس لیے خاندان میں ہی یہ شادی قرار پائی تھی۔
فی الحال اب فاخرہ کے بچوں تک کا نکاح ہوچکا ہے فی الحال اب فاخرہ کے بچوں تک کا نکاح ہوچکا ہے اور اس وقت انھیں بھارتی شہریت ملنے پر کافی خوشی محسوس ہورہی ہے۔
فاخرہ کو شہریت ملنے کی تصدیق خود بلند شہر کے ایس ایس پی سنتوش کمار سنگھ نے سنیچر کے روز کی ہے۔
واضح رہے کہ فاخرہ اور نسیم کی شادی 19 دسمبر سنہ 1988 کو ہوئی تھی تب سے ہی فاخرہ بھارت میں لانگ ٹرم ویزا (ایل وی ٹی) کے سہارے بھارت میں رہ رہی تھیں لیکن وہ ساتھ میں مسلسل بھارتی شہریت حاصل کرنے کے لیے بھی جدو جہد کررہی تھیں اب 32 برس گزرجانے کے بعد تقریباً 50 برس کی عمر میں انھیں بھارتی شہریت ملی ہے۔
