خودکشی کی ناکام کوشش

بی جے پی کے مرحوم رہنما گوپی ناتھ منڈے کا مجسمہ بنانے کا مطالبہ کرتے ہوئے ان کے ایک حامی نے اورنگ آباد کے ضلع کلکٹر آفس میں جسم پر کیروسین ڈال کر خودکشی کی ناکام کوشش کی۔

پولیس نے اسے فوری اپنی تحویل میں لے لیا گیا۔ منڈے کا یہ حامی اپنے رہنما کا مجسمہ بنانے کا مطالبہ کررہا تھا۔ اس نے بی جے پی حکومت کے خلاف نعرے بھی لگائے۔

گوپی ناتھ منڈے کے اس حامی کا الزام ہے کہ حکومت دانستہ طور پر اورنگ آباد میں گوپی ناتھ منڈے کا مجسمہ نہیں بنا رہی ہے جبکہ اورنگ آباد میں جگہ کا تعین ہوچکا ہے اور فنڈ بھی فراہم کیا جا چکا ہے۔

منڈے کے اس حامی کا نام سچن ڈویفوڑے بتایا جاتا ہے۔ وہ جے بھگوان مہاسنگھ کا ضلع صدر ہے۔ اس سے قبل بھی سچن ڈویفوڑے کا کہنا ہے کہ وہ کئی دفع ضلع انتظامیہ کو مکتوب دے کر مجسمہ بنانے کا مطالبہ کر چکا ہے۔