حکومت نے ترقیاتی بجٹ پیش کیا ہے: نتن گڈکری

ای ٹی وی بھارت سے بات کرتے ہوئے مرکزی وزیر نتن گڈکری نے کہا کہ حکومت نے ترقیاتی بجٹ پیش کیا ہے۔

گڈکری نے کہا کہ وزیر اعظم نریندر مودی مسلسل ملک کے ترقیاتی کاموں کو رفتار دے رہے ہیں۔

انہوں نے زور دے کر کہا کہ یہ بجٹ خواتین کو ذہن میں رکھ کر بنایا گیا ہے۔ اس بجٹ میں ان کے لیے بہت کچھ ہے۔

انہوں نے کہا کہ جہاں تک دو روپے ڈیزل پیٹرول کو مہنگا کرنے کی بات ہے اس سے عوام کو فرق نہیں پڑے گا۔ جو ایک روپے کا اضافی ٹیکس لگایا گیا ہے اس سے سڑکیں بہتر ہوں گی۔ جس سے لوگوں کی ڈیذل، پیٹرول میں بچت ہوگی اور اس کا اثر لوگوں کی جیب پر نہیں پڑے گا۔

گڈکری نے کہا چھوٹے کاروبار کو بھی اس بجٹ میں کافی فنڈ دیا گیا ہے۔ اس سے چھوٹے تاجر کو بڑی راحت ملے گی۔

انہوں نے مزید کہا کہ جہاں تک اپوزیشن کا سوال ہے ان کے پاس بولنے کے لیے کچھ نہیں ہے۔ اس لیے وہ بجٹ کی بھی مخالفت کر رہے ہیں۔