الیکشن کمیشن کی جائزہ میٹنگ میں ضمنی انتخابات کرانے کا فیصلہ کیا گیا، کمیشن کی ترجمان شیفالی شرن نے ٹویٹ کرکے یہ معلومات دی ہیں۔
انہوں نے کہا کہ 56 اسمبلی نشستوں اور ایک پارلیمانی نشست پر ہونے والے ضمنی انتخابات کی تاریخ کا اعلان مناسب وقت پر کیا جائے گا۔
کمیشن نے گزشتہ روز کہا تھا کہ الیکشن کمیشن کی جمعہ کو ہونے والی میٹنگ میں ان نشستوں کے ضمنی انتخاب کے بارے میں غور کیا جائے گا، کمیشن کے مطابق 22 جولائی کو کمیشن کے سینیئر پرنسپل سکریٹری سُمیت مکھرجی کی جانب سے جاری ریلیز میں میڈیا میں غلط فہمی کی صورتحال پیدا ہوگئی تھی، لہذا کل یہ بات واضح ہوگئی کہ آٹھ اسمبلی حلقوں کے ضمنی انتخاب کے بارے میں لیا گیا فیصلہ خصوصی صورتحال میں لیا گیا تھا لیکن کمیشن نے عوامی نمائندگی ایکٹ کی دفعہ 151 کے تحت مذکورہ بالا تمام نشستوں پر ضمنی انتخاب کرانے کا فیصلہ کیا ہے۔
ریلیز میں کہا گیا ہے کہ آٹھ اسمبلی نشستوں کے لیے ہونے والے ضمنی انتخابات کو 7 ستمبر تک ملتوی کردیا گیا ہے لیکن کل کی میٹنگ میں تمام نشستوں کے ضمنی انتخاب پر غور کیا جائے گا۔
