مرکزی الیکشن کمیشن نے ضابطہ اخلاق کی خلاف ورزی کرنے پر بی جے پی کے رکن پارلیمان پرویش ورما اور انوراگ ٹھاکر کے خلاف یہ کارروائی کی ہے۔
اس سے قبل الیکشن کمیشن نے ان دونوں کو بی جے پی کے اسٹار کیمپینرز کی فہرست سے ہٹانے کا حکم دیا تھا، واضح ہے کہ اب وہ فی الحال انتخابی مہم نہیں کر سکیں گے۔
غور طلب ہے کہ ٹھاکر پر رٹھالا اسمبلی حلقہ میں پیر کو ایک عوامی جلسے میں بھیڑ سے متنازعہ نعرے لگوانے کا الزام ہے، جبکہ مغربی دہلی کے ایم پی ورما پر شہریت ترمیمی قانون کی مخالفت کرنے والوں کے بارے میں متنازعہ تبصرہ کرنے کا الزام ہے۔
مرکزی الیکشن کمیشن نے منگل کے روز انوراگ ٹھاکر وجہ بتاؤ نوٹس جاری کر کے جمعرات تک جواب طلبا کیا ہے تھا، جبکہ پرویش ورما کے خلاف درج شکایت پر دہلی کے سی ای او کی رپورٹ کو نوٹس میں لیتے ہوئے کمیشن پیشگی کارروائی پر بھی غور کر رہا ہے۔ توقع کی جارہی ہے کہ کمیشن جلد ہی اس سلسلے میں کوئی حتمی فیصلہ لے گا۔
دراصل انوراگ ٹھاکر بی جے پی کے امیدوار منیش چودھری کی حمایت میں جلسہ عام میں شرکت کے لئے آئے تھے اس دوران انہوں نے کہا تھا کہ دہلی کو محفوظ رکھنے کے لئے بی جے پی کو ووٹ دو۔
