چارمینارکے دامن میں عید کی تیاری

بھارت کی جنوبی ریاست تلنگانہ کے دارالحکومت حیدرآباد میں رمضان المبارک کا اہتمام انتہائی اہمیت کے ساتھ کیا جاتا ہے۔

رمضان کے آخری عشرے میں عید کی تیاری زور و شور سے کی جاتی ہے۔ مرد اور خواتین خریداری کیلئے شہر کے سب سے قدیم بازار 'چار مینار' کا رخ کرتے ہیں۔

شہر میں بڑے شاپنگ مالز موجود ہونے کے با وجود بھی جب تک 'چار مینار' کے بازار سے شاپنگ نہ کرلی جائے تب تک خریداری مکمل نہیں مانی جاتی ہے۔

دو کیلومیٹر کے رقبے پر پھیلے چار مینار کے اس بازار میں عید سے متعلق ہر چھوٹی بڑی چیزیں واجب داموں پر دستیاب ہوتی ہیں۔ غیر مسلم افراد بھی اس موقع کا بھر پور فائدہ اٹھاتے ہیں اور شوق سے خریداری کرتے ہیں۔ خرید و فروخت کا یہ سلسلہ چاند رات تک جاری رہتا ہے۔