'ٹریفک قوانین کی خلاف وزری کرنے والے کی خیر نہیں'

مرکزی وزیر ٹرانسپورٹ نتن گڈکری نے راجیہ سبھا میں ایک سوال کے جواب کہا کہ ٹریفک قوانین کی خلاف ورزیوں پر قابو پانے کے لیے ای چالان کے نظام کا نفاذ عمل میں لایا گیا ہے۔

حکومت نے ای چالان نظام نافذ کرنے کا فیصلہ اس لیے کیا ہے تاکہ نشے کی حالت میں گاڑی چلانے ، مقررہ رفتار سے زیادہ تیز گاڑی چلانے اور ٹریفک سے متعلق دیگر قوانین جیسی خلاف ورزیوں پر موثر طریقے سے قدغن لگایا جاسکے۔

انہون نے کہا کہ یہ ایک مربوط اطلاعاتی ٹیکنا لوجی پر مبنی تنفیذی حل ہے، جس کا مقصد ٹریفک سے متعلق قوانین کی خلاف ورزیوں کو منضبط کرنا ہے۔ یہ کام ایک اینڈرائیڈ پر مبنی موبائل ایپ اور بیک۔ اینڈ ویب ایپلی کیشن کے توسط سے کیا جائے گا۔ یہ ایپ ٹرانسپورٹ انفورسمنٹ وِنگ اور ٹریفک پولیس کے لیے بنایا گیا ہے۔

ای چالان سسٹم کا نفاذ بہار ، چنڈی گڑھ ، دہلی ، گجرات ، ہریانہ ، ہماچل پردیش ، مہاراشٹر ، اڈیشہ ، راجستھان ، تمل ناڈو ، اتر پردیش ، اترا کھنڈ ، جموں و کشمیر ، پنجاب اور پڈوچیری میں فی الحال کیا جا رہا ہے۔

یہ اطلاع سڑک نقل و حمل اور شاہراہوں کے مرکزی وزیر نتن گڈکری نے راجیہ سبھا میں ایک سوال کے جواب میں دی۔