ہائی کورٹ نے ملزم بھکتی مہرے، ہیما آہوجا اور انکیتا کھنڈیوال کو 2 لاکھ روپے کے ذاتی مچلکے اور ہر دوسرے دن پولیس کرائم برانچ میں پیش ہونے کی کی شرط پر ضمانت منظور کرلی ہے۔
ملزمان کو نائر ہسپتال کے اندر جانے کی اجازت نہیں ہوگی۔ ڈاکٹر پائل کو خود کشی کے لئے اکسانے اور دیگر الزامات کی وجہ سے تین ملزمان خواتین ڈاکٹروں کو گرفتار کیا گیا تھا۔
ڈاکٹر پائل تڑوی نے ہاسٹل کے کمرے میں 22 مئی کو خودکشی کرلی تھی اور اس معاملے میں تین سینیئر ڈاکٹرز کو گرفتار کیا گیا تھا۔ ان ملزمان ڈاکٹروں کا تذکرہ ڈاکٹر تڑوی نے اپنی موت سے قبل لکھے گئے خط میں بھی کیا تھا۔
پائل تڑوی کے اہل خانہ نے یہ بھی الزام لگایا کہ یہ تینوں خواتین ڈاکٹر شیڈول کاسٹ ہونے کی وجہ سے ان پر طنز اور ذہنی تشدد کرتی تھیں۔ پائل تڑوی ممبئی کے بی وائی ایل نائر ہسپتال میں ایم ڈی سیکنڈ ایئر کی طالبہ تھیں۔
