ڈاکٹر پنڈت پوٹراج کو بھارت رتن دینے کا مطالبہ

ضلع پنچایت صدر بسن گوڑا پاٹل نے کہا ہے کہ 'ڈاکٹر پنڈت پوٹراج جی کو بھارت رتن ملنا چاہیے اس کے لیے ہم ہر ممکن کوشش کریں گے'۔

ریاست کرناٹک کے ضلع یادگیر کے رام کرشنا ویوکاناندا آشرم میں پنڈت پوٹراج کی 10 ویں برسی کے موقع پر ایک سنگیت پروگرام کا انعقاد کیا گیا۔

اس پروگرام میں سوامی چنابسویشور، وجے ناتھ ہیرے مٹھ صدر آل کرناٹک گانہ یوگی سنگیت پریشید یادگیر، ضلع پنچایت صدر بسن گوڑا پاٹل کے علاوہ دیگر نے مہمان خصوصی کے طور پر شرکت کی۔

اس موقع پر خطاب کرتے ہوئے وجے ناتھ ہیرے مٹھ نے کہا کہ 'ڈاکٹر پنڈت پوٹراج نے اپنے آشرم ویرا شیوا شرم گداگ میں ایک لاکھ لوگوں کو سنگیت کی مفت تعلیم دی'۔

انھوں نے کہا ہے کہ 'ان میں سے اکثر طلبا معذور ہوا کرتے تھے انہوں نے کہا کہ وہ خود بھی پیدائشی نابینا تھے'۔

ضلع پنچایت صدر بسن گوڑا پاٹل نے کہا ہے کہ 'ڈاکٹر پنڈت پوٹراج جی کو بھارت رتن ملنا چاہیے اس کے لیے ہم ہر ممکن کوشش کریں گے'۔

اس موقع پر ڈاکٹر پنڈت پوٹراج کی تصویر پر پھول چڑھاتے ہوئے خراج عقیدت پیش کیا گیا۔

مقامی فنکاروں نے کلاسیکل سنگیت پیش کرتے ہوئے سماں باندھ دیا۔ اس پروگرام کی نظامت شو لیلا نے چلائی۔