'ہندی زبردستی تھوپی جارہی ہے'

رکن پارلیمان کنیموزی نے پوچھا، کیا بھارتی ہونے کا مطلب ہندی سے واقف ہونا ہے؟

ڈی ایم کے رکن پارلیمان کنیموزی کو دہلی ہوائی اڈے پر تلخ تجربہ ہوا۔ کیونکہ وہ ہندی نہیں جانتی تھیں۔

مذکورہ رکن پارلیمان نے ان کے ساتھ دہلی ہوائی اڈے پر پیش آئے واقعے پر ٹویٹ کرتے ہوئے غم وغصے کا اظہار کیا۔

سی آئی ایس ایف کی خاتون اہلکار کے ہندی میں سوال پوچھنے پر کنیموزی نے کہا کہ وہ ہندی نہیں جانتی،ان سے انگریزی یا تامل میں پوچھا جائے۔تب خاتون اہلکار نے ان سے پوچھا کہ کیا،آپ بھارتی ہیں یا نہیں۔

اس واقعے پر کنیموزی نے غم وغصے کااظہار کرتے ہوئے کہا کیا بھارتی ہونے کا مطلب ہندی سے واقف ہونا ہے۔ انھوں نے مزید کہا کہ ہندی زبردستی تھوپنے کی کوشش کی جارہی ہے۔

کنیموزی کے ٹویٹ کے بعد ان کے ساتھ پیش آئے واقعے کی تفصیلات بتانے متعقلہ محکمہ کو ہدایت دی گئی ہے۔