میٹنگ ختم ہونے کے بعدمرکز وزیر ڈاکٹر ہرش وردھن نے کہا کہ بھارت میں سامنے آئے معاملوں پر تبادلہ خیال کیا گیا اور کورونا وائرس کی روک تھام کے لیے بات چیت کی گئی۔
کورونا وائرس: حکومت اس کی روک تھام کے لیے کمربستہ انہوں نے کہا کہ اس سلسلے میں ایئر پورٹ پرخصوصی نگرانی رکھی جا رہی ہے اور افسران کو ضروری ہدایات دی گئی ہیں، ساتھ ہی ہسپتالوں میں سہولتوں کو بڑھانے کے لیے بھی کہا گیا ہے۔
میڈیا سے بات چیت کرتے ہوئے ڈاکٹر ہرش وردھن نے کہا کہ بھارتی حکومت ہر ممکن قدم اٹھارہی ہے، مرکز اور ریاستی حکومتیں ایک ساتھ مل کر کورونا وائرس کو لے کر تیاریاں کر رہی ہیں۔
انہوں نے مزید کہا کہ کیرل میں تین کیس آئے تھے، لیکن اب ٹھیک ہو گئے ہیں.
انہوں نے مزید کہا کہ ایران سے آنے والے سبھی بھارتیوں کا طبی جانچ کیا جائے گا،اور اس سلسلے میں آج سہ پہر تین بجے وزراء گروپ کی ایک میٹنگ منعقد ہوگی۔
دہلی والے معاملے کو لے کر ڈاکٹر ہرش وردھن نے کہا کہ منگل کو دہلی میں ایک کیس سامنے آیا تھا اور وہ شخص چھ لوگوں سے رابطے میں اسی طرح آغرہ میں رہنے والے چھ رشتہ دار جو اس شخص کے رابطے میں آئے تو ان پر کورونا وائرس کا اثر ہوا، دہلی والے خص نے کل 66 لوگوں سے رابطہ کیا تھا، جس کی جانچ کی گئی۔
ڈاکٹر ہرش وردھن کی قیادت میں بدھ کو ایک میٹنگ ہوئی جس میں دہلی حکومت میں وزیر ستیندر جین نے اس میٹنگ میں حصہ لیا ساتھ ہی اس میٹنگ سینیئر افسران موجود رہے۔
