پارلیمنٹ میں سادھوی پرگیہ سنگھ نے گوڈسے کو محب وطن قرار دیا تھا جس کے بعد پارلیمنٹ میں زبردست ہنگامہ جاری ہے۔
پرگیہ سنگھ ٹھاکر کے بیان کے بعد بی جے پی نے سخت قدم اٹھاتے ہوئے انہیں دفاعی امور پارلیمانی کمیٹی سے برخاست کردیا ہے۔
ان کے اس بیان کے بعد سادھوی کو پارلیمانی پارٹی کی میٹنگ میں شرکت کرنے پر بھی روک لگادی ہے۔
وہیں بی جے پی کے کارگزار صدر جے پی نڈا نے سادھوی پرگیہ کے بیان کی مذمت کرتے ہوئے کہا کہ اس طرح کی حرکت کرنے والے رہنماؤں سے پارٹی کو شرمندگی اٹھانی پڑتی ہے۔
وزیر دفاع راجناتھ سنگھ نے بھی پرگیہ کے بیان کی مذمت کی ہے۔
دوسری جانب کانگریس کے رکن پارلیمان راہل گاندھی نے پرگیہ کے بیان کی مذمت کرتے ہوئے کہا ہے کہ پارلیمنٹ کا آج کا سیاہ دن ہے۔
