جے ڈی یو کے اقدام سے پرشانت کشور ناراض

شہریت ترمیمی بل دیر رات لوک سبھا میں پاس ہو گیا، اس بل پر جنتا دل یونائیٹیڈ (جے ڈی یو) نے حمایت کی ہے، جے ڈی یو کی حمایت کے بعد پارٹی کے نائب قومی صدر پرشانت کشور نے اس بل کی مخالفت کرتے ہوئے اپنی پارٹی کے اس قدم پر مایوسی کا اظہار کیا ہے۔

جے ڈی یو کے نائب قومی صدر پشتان کشور نے اپنے ٹویٹ پیغام میں کہا کہ ' شہریت ترمیمی بل کی جے ڈی یو کی حمایت سے مایوس ہوں، یہ بل شہریت کے حق سے مذہب کی بنیاد پر تفریق کرتا ہے، یہ پارٹی کے آئین سے مماثل نہیں ہے، جس میں سیکولر کا لفظ صفحہ اول پر تین بارآتا ہے، پارٹی کا قیام گاندھی کے اصولوں پر کی گئی ہے'۔

پرشانت کشور نے مایوسی کا اظہار کیا

وہیں لوک سبھا کے رکن اور جے ڈی یو کے رہنما راجیو رنجن عرف للن سنگھ نے لوک سبھا میں کہا کہ 'جے ڈی یو اس بل کی حمایت کر رہی ہے کیونکہ یہ سیکولرازم کے خلاف نہیں ہے'۔