مدھیہ پردیش میں سیاسی بحران

مدھیہ پردیش میں سیاسی رسہ کشی شروع ہوگئی ہے، کانگریس کے 10 میں سے 11 اراکین اسمبلی کو گڑگاؤں کے ہوٹل میں رکھے جانے کی بات کہی جا رہی تھی، لیکن کانگریس کے سینیئر رہنما اور مدھیہ پردیش کے سابق وزیر اعلی دگوجے سنگھ نے کہا ہے کہ بی جے پی کے پاس اب صرف چار اراکین اسمبلی ہیں۔

مدھیہ پردیش میں جاری سیاسی رسہ کشی کے دوران کانگریس کے سینیئر رہنما دگ وجئے سنگھ نے بی جے پی پر الزام لگاتے ہوئے کہا کہ 'وہ اراکین اسمبلی کو خریدنے کی کوشش کررہی ہے، کیوں کہ بی جے پی کے پاس بلیک منی ہے، لیکن کانگریس کے اراکین اسمبلی کانگریس کے ساتھ ہی ہیں'۔

مدھیہ پردیش میں کانگریس کی کمل ناتھ حکومت پر بحران کے بادل منڈلا رہے ہیں، مدھیہ پردیش کی سابق بی جے پی حکومت کے قد آور وزیر پر الزام ہے کہ انہوں نے گروگرام کے ایک ہوٹل میں کانگریس کے چار اراکین اسمبلی اور 4 دیگر آزاد اراکین اسمبلی کو زبردستی رکھنے کا الزام ہے۔