بھارت میں کورونا وائرس متاثرین کی تعداد گیارہ لاکھ کے قریب

وزارت صحت کی جانب سے جاری کردہ تازہ ترین تفصیلات کے مطابق پورے ملک میں گزشتہ 24 گھنٹوں میں اب تک کے سب سے زیادہ کورونا پازیٹیو کیسز پائے گئے ہیں جس کے بعد اس مہلک وائرس کے متاثرین کی تعداد 10 لاکھ 77 ہزار 618 ہوگئی ہے۔

ملک میں کورونا وائرس متاثرین کی تعداد میں اضافے کا سلسلہ بدستور جاری ہے اور گزشتہ 24 گھنٹوں میں 38 ہزار 902 مثبت کیسز درج کئے گئے ہیں جو ایک دن میں پائے جانے والے مثبت کیسز کی اب تک کی سب سے بڑی تعداد ہے جبکہ اس دوران 543 اموات بھی ہوئی ہیں۔

فی الحال ملک میں 3 لاکھ 73 ہزار 379 فعال کیسز ہیں جبکہ 6 لاکھ 77 ہزار 423 افراد صحتیاب ہوچکے ہیں نیز ابھی تک اس مہلک وائرس سے 26 ہزار 816 لوگ ہلاک ہوئے ہیں۔

ملک میں کورونا وائرس سے سب سے زیادہ متاثرہ ریاست مہاراشٹر ہے جہاں گزشتہ 24 گھنٹوں کے دوران سب سے زیادہ 8 ہزار 348 کیسز درج کئے گئے ہیں جس کے بعد متاثرہ افراد کی مجموعی تعداد 3 لاکھ 937 ہوگئی ہے جبکہ اس دوران 258 افراد لقمہ اجل بنے ہیں اور ہلاک شدگان کی مجموعی تعداد 11 ہزار 569 ہوگئی ہے اس کے علاوہ ریاست میں اس مہلک وائرس کے صحتیاب ہونے الے افراد کی تعداد ایک لاکھ 65 ہزار 663 ہوگئی ہے۔

کورونا وائرس سے متاثر ہونے کے معاملہ میں تمل ناڈو دوسر نمبر پر ہے۔ اس ریاست میں کورونا کیسز کی تعداد ایک لاکھ 65 ہزار 714 جبکہ ہلاک شدگان کی تعداد 2403 ہوگئی ہے اس کے علاوہ ایک لاکھ 13 ہزار 856 افراد صحتیاب ہوئے ہیں۔

قومی دارالحکومت دہلی میں کورونا وبا کے حالات اب کچھ کنٹرول میں ہے اور کورونا کے کیسز میں اضافے کی شرح میں کمی آئی ہے۔ دہلی میں اب تک ایک لاکھ 21 ہزار 582 افراد کورونا وائرس کی زد میں آچکے ہیں جبکہ اس سے مرنے والوں کی تعداد 3597 اور صحتیاب ہونے والوں کی تعداد ایک لاکھ 1274 ہے۔

ریاست گجرات کورونا وائرس متاثرہ افراد کی تعداد کے لحاظ سے ملک بھر میں چوتھے نمبر پر ہے لیکن اموات کی تعداد کے لحاظ سے یہ ریاست مہاراشٹر اور دہلی کے بعد تیسرے نمبر پر ہے۔

بشکریہ ٹویٹر

گجرات میں متاثرہ افراد کی تعداد 47 ہزار 390 ہے جبکہ اس وائرس سے ہلاک شدگان کی تعداد 2122 اور صحتیاب ہونے والوں کی تعداد 34 ہزار 35 ہے۔

جنوبی ہند کی ریاست کرناٹک میں 59 ہزار 652 افراد متاثر اور 1240 اموات ہوچکی ہیں جبکہ ریاست میں ابھی تک 21 ہزار 775 افراد شفایاب ہوئے ہیں۔

آبادی کے لحاظ سے ملک کی سب سے بڑی ریاست اترپردیش میں اب تک کورونا وائرس کے 47 ہزار 36 کیسز سامنے آچکے ہیں جبکہ اس سے اب تک 1108 افراد کی موت ہوئی ہے اور 28 ہزار 664 افراد روبی صحت ہوچکے ہیں۔

ریاست تلنگانہ میں بھی کورونا وائرس کے کیسز میں تیزی سے اضافہ وہ رہا ہے اور یہاں متاثرین کی تعداد 43 ہزار 780 پہنچ چکی ہے جبکہ 409 افراد ہلاک اور 30 ہزار 607 افراد صحتیاب ہوئے ہیں۔

مغربی بنگال میں 40 ہزار 209 افراد کورونا وائرس سے متاثر اور 1076 افراد فوت ہوچکے ہیں جبکہ ابھی تک 23 ہزار 539 افراد شفایاب ہوئے ہیں۔

آندھرا پردیش میں بھی اس وائرس کے متاثرین کی تعداد مین اضافہ ہو رہا ہے اور یہاں 44 ہزار 609 افراد متاثر، 586 افراد ہلاک اور 21 ہزار 763 افرا روبہ صحت ہوئے ہیں۔

راجستھان میں بھی صورتحال ٹھیک نہیں ہے اور متاثرین کی تعداد 28 500 ہوگئی ہے جبکہ اس وائرس کے سبب 553 افراد ہلاک اور 12 ہزار 144 صحتیاب ہو چکے ہیں۔

ریاست ہریانہ میں 25 ہزار 547 افراد کورونا وائرس سے متاثر، 344 افراد ہلاک اور 19 ہزار 318 افراد ٹھیک ہوچکے ہیں۔

کورونا وائرس عالمی وبا سے مدھیہ پردیش میں 706، پنجاب میں 246، جموں و کشمیر میں 236، بہار میں 208، اڑیسہ میں 86، اتراکھنڈ میں 52، آسام میں 53، کیرالہ میں 40 ، جھارکھنڈ میں 46، پڈوچیری میں 28، چھتیس گڑھ میں 24، گوا میں 21، ہماچل پردیش میں 11، چنڈی گڑھ میں 12، اروناچل پردیش میں 3، میگھالیہ میں دو تری پورہ میں 5 اور لداخ میں ایک شخص کی موت ہوچکی ہے۔