ماسک نہ پہننے پر ڈپٹی مینیجر نے خاتون ملازمہ کو پیٹا

ماسک نہ پہننے پر خاتون ملازمہ پر حملہ کرنے والے ڈپٹی منیجر کو پولیس نے حراست میں لے لیا۔

ریاست آندھرا پردیش کے ضلع نیلور میں یہ واقعہ پیش آیا ہے، پولیس نے بتایا کہ نیلور ضلع کی اے پی ٹورازم ہوٹل میں کنٹریکٹ پر ملازمہ کے طورپر خدمات انجام دینے والی خاتون پر ڈپٹی منیجر نے حملہ کر دیا ہے۔

ڈپٹی مینیجر کی بھاسکر کے طور پر شناخت کی گئی ہے، کورونا کے پیش نظر ماسک نہ پہننے پر اس نے برہمی کا اظہار کرتے ہوئے خاتون پر بے رحمانہ طورپر حملہ کرتے ہوئے اس کوزخمی کردیا۔

اسی دوران بیچ بچاو کے لیے آنے والے دوسرے ملازم پر بھی اس نے برہمی کا اظہار کیا، دو دن پہلے یہ واقعہ پیش آیا جس کے بعد متاثرہ خاتون نے پولیس سے شکایت کی، خاتون ملازمہ کی شکایت کی بنیاد پر پولیس نے ڈپٹی منیجر کو حراست میں لے لیا، اس کے علاوہ پولیس ہوٹل کے سی سی ٹی وی فوٹیج کا جائزہ لے رہی ہے۔