بنگلہ دیشی بتاکر غریبوں کی جھگیاں توڑ دی گئیں

شہر بنگلور کے مارت ہلی کریم ہ اگرہارہ علاقہ میں بسنے والے غریب مزدوروں کی جھگی جھونپڑیوں پولیس اہلکار کی جانب سے بغر کسی نوٹس کے توڑ ڈالا گیا ہے۔

ای ٹی وی بھارت نے متاثرہ ان مزدوروں سے بات کی اور زمینی سطح کا جائزہ لیا اور ان سماجی کارکنان سے بات کی جو اس معاملہ کو لیکر کورٹ میں لڑ رہے ہیں.

ان کا کہنا ہے کہ پولیس اور بی بی ایم پی کارپوریشن کی توڑ پھوڑ کی کارروائی غیر قانونی ہے.

سماجی کارکن ایڈووکیٹ محمد کلیم اللہ کہتے ہیں کہ بی جے پی کے مقامی رکن اسمبلی اروند لمباولی نے متعدد مرتبہ یہ ٹویٹ کرکے الزام لگایا تھا کہ مذکورہ علاقے میں بنگلادیشی رہتے ہیں ۔

اس کے علاوہ انہوں نے رکن اسمبلی پر جھگی جھونپڑی کو تباہ برباد کرانے کا الزام لگایا ہے۔

اس مسئلے میں متعدد سماجی کارکنان نے کافی محنت کی اور ان مظلوم مزدوروں کے انصاف کے لئے کورٹ کا دروازہ کھٹکھٹایا.

ہائی کورٹ نے اس معاملہ کے متعلق احکامات جاری کئے ہیں کہ شہر بھر میں کہیں بھی کسی بھی جھگی جھونپڑیوں کو نہ توڑا جائے اور ساتھ ہی ریاستی حکومت سے رپورٹ طلب کی ہے.